hai ayan ru-e-yar aaankhon mein

hai ayaañ rū-e-yār ā.ankhoñ meñ

chhā.ī hai kyā bahār ā.ankhoñ meñ

sho.ale uThte haiñ baar baar ajiib

kaun hai sham.a-vār ā.ankhoñ meñ

kaun hai shahsavār-e-tausan-e-husn

jis kā hai ye ġhubār ā.ankhoñ meñ

kaisī mai tū ne dī pilā mujh ko

ab talak hai ḳhumār ā.ankhoñ meñ

dil hai bulbul sifat ba-nāla-o-āh

kaun hai gul-ezār ā.ankhoñ meñ

shauq meñ kis kī hai nikal aayā

dil-e-pur-iztirār ā.ankhoñ meñ

ubal aatā hai kis kī shauq meñ aah

ḳhūn-e-dil baar baar ā.ankhoñ meñ

har taraf hai ayaañ ruḳh-e-dil-dār

hai ḳhizāñ nau-bahār ā.ankhoñ meñ

faiz-e-ḳhādim-safī se hai 'āsim'

jalva-gar husn-e-yār ā.ankhoñ meñ

hai ayan ru-e-yar aaankhon mein

chhai hai kya bahaar aaankhon mein

shoale uThte hain bar bar ajib

kaun hai shama-war aaankhon mein

kaun hai shahsawar-e-tausan-e-husn

jis ka hai ye ghubar aaankhon mein

kaisi mai tu ne di pila mujh ko

ab talak hai KHumar aaankhon mein

dil hai bulbul sifat ba-nala-o-ah

kaun hai gul-ezar aaankhon mein

shauq mein kis ki hai nikal aaya

dil-e-pur-iztirar aaankhon mein

ubal aata hai kis ki shauq mein aah

KHun-e-dil bar bar aaankhon mein

har taraf hai ayan ruKH-e-dil-dar

hai KHizan nau-bahaar aaankhon mein

faiz-e-KHadim-safi se hai 'asim'

jalwa-gar husn-e-yar aaankhon mein