hai bahut mushkil nikalna shahr ke bazar mein
hai bahut mushkil nikalnā shahr ke bāzār meñ
jab se jakḌā huuñ maiñ kamre ke dar-o-dīvār meñ
chhe baras ke ba.ad ik suune makāñ ke bām-o-dar
bas ga.e haiñ phir kisī ke jism kī mahkār meñ
mujh ko apne jism se bāhar nikalnā chāhiye
varna merā dam ghuTegā is añdhere ġhaar meñ
yaad use ik pal bhī karne kī mujhe fursat nahīñ
mubtalā sadiyoñ se merā dil hai jis ke pyaar meñ
dekhte haiñ log jab 'ḳhāvar' purānī aañkh se
kyā nazar aa.e koī ḳhūbī na.e fankār meñ
hai bahut mushkil nikalna shahr ke bazar mein
jab se jakDa hun main kamre ke dar-o-diwar mein
chhe baras ke baad ek sune makan ke baam-o-dar
bas gae hain phir kisi ke jism ki mahkar mein
mujh ko apne jism se bahar nikalna chahiye
warna mera dam ghuTega is andhere ghaar mein
yaad use ek pal bhi karne ki mujhe fursat nahin
mubtala sadiyon se mera dil hai jis ke pyar mein
dekhte hain log jab 'KHawar' purani aankh se
kya nazar aae koi KHubi nae fankar mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
