hai bhi kuchh ya ki samak ta-ba-sama kuchh bhi nahin

hai bhī kuchh yā ki samak tā-ba-samā kuchh bhī nahīñ

pūchhā jab jab to yahī aa.ī sadā kuchh bhī nahīñ

zindagī laa.ī hai us dasht meñ mujh ko ki jahāñ

rāh-rau rāhguzar rāh-numā kuchh bhī nahīñ

jaane kyoñ aap udhar apne qadam jaate haiñ

ki jidhar ghor añdhere ke sivā kuchh bhī nahīñ

ik qayāmat hai mire jurm se terā iġhmāz

aah ye kaisī sazā hai ki sazā kuchh bhī nahīñ

dekhiye to sahī kis vaqt zabāñ ham ko milī

jab ki kahne ke liye dil meñ rahā kuchh bhī nahīñ

hai bhi kuchh ya ki samak ta-ba-sama kuchh bhi nahin

puchha jab jab to yahi aai sada kuchh bhi nahin

zindagi lai hai us dasht mein mujh ko ki jahan

rah-rau rahguzar rah-numa kuchh bhi nahin

jaane kyon aap udhar apne qadam jate hain

ki jidhar ghor andhere ke siwa kuchh bhi nahin

ek qayamat hai mere jurm se tera ighmaz

aah ye kaisi saza hai ki saza kuchh bhi nahin

dekhiye to sahi kis waqt zaban hum ko mili

jab ki kahne ke liye dil mein raha kuchh bhi nahin