hai chubhan mustaqil qarar ke sath
hai chubhan mustaqil qarār ke saath
phuul Daalī pe jaise ḳhaar ke saath
mere ghar meñ bhī kahkashāñ kī tarah
rabt qaa.em hai intishār ke saath
sub.h kā intizār hai lekin
be-yaqīnī hai e.atibār ke saath
ḳhvāhish-e-bāġhbāñ ye hai shāyad
zard rut bhī rahe bahār ke saath
peḌ ne.amat-ba-dast o sar-ḳham haiñ
hai tafāḳhur bhī inkisār ke saath
hai chubhan mustaqil qarar ke sath
phul Dali pe jaise KHar ke sath
mere ghar mein bhi kahkashan ki tarah
rabt qaem hai intishaar ke sath
subh ka intizar hai lekin
be-yaqini hai eatibar ke sath
KHwahish-e-baghban ye hai shayad
zard rut bhi rahe bahaar ke sath
peD neamat-ba-dast o sar-KHam hain
hai tafaKHur bhi inkisar ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
