ہے دشت زندگی یہ فنا تم صدا نہ دو

ہے دشت زندگی یہ فنا تم صدا نہ دو

ہو جاؤں گا میں اب کے جدا تم صدا نہ دو

پھر لوٹ کر نہ آؤں گا بازار میں کبھی

بولی کوئی لگا کے گیا تم صدا نہ دو

ہو جائے گا یہ نام دھواں روئے گی ہوا

سورج ہے میرے سر پہ کھڑا تم صدا نہ دو

وہ پتھروں کو بولنے کی دے گیا ادا

لب پر اسی کی اب ہے ثنا تم صدا نہ دو

تاریک شب ہے آسماں میں کھلبلی سی ہے

گونجے ہے روتے سگ کی صدا تم صدا نہ دو

ٹھہرو وہ آ گیا ہے مرے روبرو یہاں

آئینے میں کوئی ہے کھڑا تم صدا نہ دو

شاید فضاؤں میں ہے سحر کی اذاں کہیں

الطافؔ اسی کی ہے یہ ندا تم صدا نہ ہے دو