hai do-roza qayam-e-sara-e-fana na bahut ki KHushi hai na kam ka gila

hai do-roza qayām-e-sarā-e-fanā na bahut kī ḳhushī hai na kam kā gila

ye kahāñ kā fasāna-e-sūd-o-ziyāñ jo gayā vo gayā jo milā vo milā

na bahār jamī na ḳhizāñ hī rahī kisī ahl-e-nazar ne ye ḳhuub kahī

ye karishma-e-shān-e-zahūr haiñ sab kabhī ḳhaak uḌī kabhī phuul khilā

nahīñ rakhtā maiñ ḳhvāhish-e-‘aish-o-tarab yahī sāqī-e-dahr se bas hai talab

mujhe tā’at-e-haq kā chakhā de maza na kabāb khilā na sharāb pilā

hai fuzūl ye qissa-e-zaid-o-bakar har ik apne 'amal kā chakhegā samar

kaho zehn se fursat-e-‘umr hai kam jo dilā to ḳhudā hī kī yaad dilā

hai do-roza qayam-e-sara-e-fana na bahut ki KHushi hai na kam ka gila

ye kahan ka fasana-e-sud-o-ziyan jo gaya wo gaya jo mila wo mila

na bahaar jami na KHizan hi rahi kisi ahl-e-nazar ne ye KHub kahi

ye karishma-e-shan-e-zahur hain sab kabhi KHak uDi kabhi phul khila

nahin rakhta main KHwahish-e-‘aish-o-tarab yahi saqi-e-dahr se bas hai talab

mujhe ta’at-e-haq ka chakha de maza na kabab khila na sharab pila

hai fuzul ye qissa-e-zaid-o-bakar har ek apne 'amal ka chakhega samar

kaho zehn se fursat-e-‘umr hai kam jo dila to KHuda hi ki yaad dila