hai dua honTon pe aur hain KHwahishen hathon ke bich

hai du'ā hoñToñ pe aur haiñ ḳhvāhisheñ hāthoñ ke biich

kaam duniyā ke nikalte haiñ munājātoñ ke biich

sard nīñdoñ kī musalsal gir rahī haiñ pattiyāñ

kuchh safed aur kuchh siyah se ḳhvāb haiñ rātoñ ke biich

lamha lamha paḌtī rahtī hai diloñ meñ ik girah

tevrī ik chal rahī hai raat din māthoñ ke biich

dekhtī hai ġhaur se har shai ko vo bīmār aañkh

ek gahrā zard ashk hai us kī sab bātoñ ke biich

jab se nikle haiñ diloñ ke kaam meñ ghāTe bahut

ham hisāb-e-dostāñ likhte haiñ ab khātoñ ke biich

ab to uThtā jā rahā hai mausamoñ se e'tibār

dil kisī sahrā meñ hai aur jism barsātoñ ke biich

mujh ko 'shāhīñ' dukh bahut detī hai us kī ye adā

jaise vo hotā nahīñ mil kar mulāqātoñ ke biich

hai du'a honTon pe aur hain KHwahishen hathon ke bich

kaam duniya ke nikalte hain munajaton ke bich

sard nindon ki musalsal gir rahi hain pattiyan

kuchh safed aur kuchh siyah se KHwab hain raaton ke bich

lamha lamha paDti rahti hai dilon mein ek girah

tewri ek chal rahi hai raat din mathon ke bich

dekhti hai ghaur se har shai ko wo bimar aankh

ek gahra zard ashk hai us ki sab baaton ke bich

jab se nikle hain dilon ke kaam mein ghaTe bahut

hum hisab-e-dostan likhte hain ab khaton ke bich

ab to uThta ja raha hai mausamon se e'tibar

dil kisi sahra mein hai aur jism barsaton ke bich

mujh ko 'shahin' dukh bahut deti hai us ki ye ada

jaise wo hota nahin mil kar mulaqaton ke bich