hai duniya mein zaban meri agar band

hai duniyā meñ zabāñ merī agar band

magar ma.anī ke mujh par kab haiñ dar band

jo sab naama kiyā aatā hai dekheñ

likhā naama diyā qāsid ko sar-band

ḳhudā jaane hai is meñ maslahat kyā

khulī hai raah lekin hai ḳhabar band

rihā.ī jīte-jī mumkin nahīñ hai

qafas hai āhanī dar-band par band

kaheñ bhī ab nahīñ merā Thikānā

ki ik ik ghar hai band ek ek dar band

na kyuuñ taklīf ho armāñ ko dil meñ

kahāñ jaa.e kidhar jaa.e hai ghar band

mujhe aatā nahīñ kyā kaam karnā

magar bāb-e-duā band aur asar band

kaheñ bhūle se koī aa to jaa.e

ham apne dil meñ rakkheñge nazar band

duā ye hai ki yā-rab mutma.in hoñ

ho ulfat meñ kasī sūrat se shar band

vo rāziq rizq pahuñchātā hai sab ko

khuleñ sattar agar ho ek dar band

barādar quvvat-e-bāzū hai maanā

magar farzand hotā hai jigar-band

mirā dil bhī tilismī hai ḳhazāna

ki is meñ ḳhair bhī hai aur shar band

bashīr achchhī zabāñ paa.ī hai tū ne

tarī durj-e-dahan meñ haiñ guhar band

hai duniya mein zaban meri agar band

magar mani ke mujh par kab hain dar band

jo sab nama kiya aata hai dekhen

likha nama diya qasid ko sar-band

KHuda jaane hai is mein maslahat kya

khuli hai rah lekin hai KHabar band

rihai jite-ji mumkin nahin hai

qafas hai aahani dar-band par band

kahen bhi ab nahin mera Thikana

ki ek ek ghar hai band ek ek dar band

na kyun taklif ho arman ko dil mein

kahan jae kidhar jae hai ghar band

mujhe aata nahin kya kaam karna

magar bab-e-dua band aur asar band

kahen bhule se koi aa to jae

hum apne dil mein rakkhenge nazar band

dua ye hai ki ya-rab mutmain hon

ho ulfat mein kasi surat se shar band

wo raaziq rizq pahunchata hai sab ko

khulen sattar agar ho ek dar band

baradar quwwat-e-bazu hai mana

magar farzand hota hai jigar-band

mera dil bhi tilismi hai KHazana

ki is mein KHair bhi hai aur shar band

bashir achchhi zaban pai hai tu ne

tari durj-e-dahan mein hain guhar band