hai dushmanon se bhi wabasta husn-e-zan mera
hai dushmanoñ se bhī vābasta husn-e-zan merā
yahī kamāl hai mujh meñ yahī hai fan merā
maiñ mausamoñ ke taġhayyur se kaañp uThtā huuñ
bharī bahār meñ ujḌā thā kal chaman merā
maiñ dasht chhoḌ ke aayā huuñ ai nagar vaalo
ki lagte lagte lagegā yahāñ pe man merā
hai itnī bhuuk mire vārisoñ ko virse kī
ḳharīd laa.e mire jīte-jī kafan merā
usī ne ek nayā zaḳhm de ke chhoḌ diyā
ki dastiyāb jise bhī huā badan merā
tamām shahr hī naqqād ho gayā 'ādil'
parakh rahe haiñ kasauTī pe sab suḳhan merā
hai dushmanon se bhi wabasta husn-e-zan mera
yahi kamal hai mujh mein yahi hai fan mera
main mausamon ke taghayyur se kanp uThta hun
bhari bahaar mein ujDa tha kal chaman mera
main dasht chhoD ke aaya hun ai nagar walo
ki lagte lagte lagega yahan pe man mera
hai itni bhuk mere warison ko wirse ki
KHarid lae mere jite-ji kafan mera
usi ne ek naya zaKHm de ke chhoD diya
ki dastiyab jise bhi hua badan mera
tamam shahr hi naqqad ho gaya 'adil'
parakh rahe hain kasauTi pe sab suKHan mera
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
