hai ghalat-fahmi hawa ki us se Dar jata hun main
hai ghalat-fahmi hawa ki us se Dar jata hun main
Asif Rasheed Asjad
MORE BYAsif Rasheed Asjad
hai ġhalat-fahmī havā kī us se Dar jaatā huuñ maiñ
hausla ban kar charāġhoñ meñ utar jaatā huuñ maiñ
niiñd kī āġhosh meñ thak kar girūñ maiñ jab kabhī
ḳhvāb jī uThte haiñ mere aur mar jaatā huuñ maiñ
ghar makīnoñ se banā kartā hai patthar se nahīñ
bas isī ummīd par har roz ghar jaatā huuñ maiñ
maiñ ne tujh se kyā kabhī pūchhā kidhar jaatī hai tū
ai shab-e-āvāra tujh ko kyā kidhar jaatā huuñ maiñ
mere jaane par na ho ghar kī udāsī yuuñ malūl
tū agar ghabrā ga.ī hai to Thahar jaatā huuñ maiñ
hai ghalat-fahmi hawa ki us se Dar jata hun main
hausla ban kar charaghon mein utar jata hun main
nind ki aaghosh mein thak kar girun main jab kabhi
KHwab ji uThte hain mere aur mar jata hun main
ghar makinon se bana karta hai patthar se nahin
bas isi ummid par har roz ghar jata hun main
main ne tujh se kya kabhi puchha kidhar jati hai tu
ai shab-e-awara tujh ko kya kidhar jata hun main
mere jaane par na ho ghar ki udasi yun malul
tu agar ghabra gai hai to Thahar jata hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
