hai garm mulkoñ kā sūraj tire jalāl kī gard
ġhurūr-e-kāhkashāñ hai tire jamāl kī gard
mohabbatoñ ke ḳharāboñ meñ dhuup kam niklī
kabhī judā.ī ke kohre kabhī malāl kī gard
kabhī to guzre udhar se bhī kārvān-e-bahār
kabhī to pahuñche yahāñ bhī tire ḳhayāl kī gard
hamāre bāloñ pe mausam hai barf-bārī kā
hamāre chehre pe uḌtī hai māh-o-sāl kī gard
tamām ālam-e-imkāñ hai ik ḳhayāl meñ gum
na pā sakegā zamāna kabhī ḳhayāl kī gard
hai garm mulkon ka suraj tere jalal ki gard
ghurur-e-kahkashan hai tere jamal ki gard
mohabbaton ke KHarabon mein dhup kam nikli
kabhi judai ke kohre kabhi malal ki gard
kabhi to guzre udhar se bhi karwan-e-bahaar
kabhi to pahunche yahan bhi tere KHayal ki gard
hamare baalon pe mausam hai barf-bari ka
hamare chehre pe uDti hai mah-o-sal ki gard
tamam aalam-e-imkan hai ek KHayal mein gum
na pa sakega zamana kabhi KHayal ki gard
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
