hai hai koi dil dene ke qabil nahin milta

hai hai koī dil dene ke qābil nahīñ miltā

armān taḌapte haiñ ki qātil nahīñ miltā

ho aql to ho til kī jagah aañkh meñ lailī

jhak qais kī hai sāhib-e-mahmil nahīñ miltā

gul kī tire ruḳhsār se rañgat nahīñ miltī

naale se mire shor-e-anādil nahīñ miltā

apnā bhī to miltā nahīñ dil mujh se phir ai yaar

kis muñh se kahūñ tujh se tirā dil nahīñ miltā

bosa nahīñ dete haiñ shab-e-vasl meñ bhī aap

mazrūa-e-umīd kā hāsil nahīñ miltā

miltā nahīñ aariz se tire mehr-e-daraḳhshāñ

peshānī se terī mah-e-kāmil nahīñ miltā

chamke na 'vaqār' aage ruḳh-e-yār ke ḳhurshīd

samjhe rahe haq se kabhī bātil nahīñ miltā

yārab tamkīñ dahr meñ qātil nahīñ miltā

phīke kisī dilbar se mirā dil nahīñ miltā

vo ishq kā dariyā hai ki ilyās ko jis kā

kahne ko pa.e naam bhī sāhil nahīñ miltā

maujūd hai filfil mujhe ġham is kā nahīñ hai

gar dekhne ko ruḳh kā tire til nahīñ miltā

mashq-e-sitam-o-jor kā chaurañg huuñ is se

āshiq koī mujh sā unheñ be-dil nahīñ miltā

ash.ār 'vaqār' aisī ġhazal maiñ kahūñ kyā ḳhaak

mushkil to ye hai qāfiya mushkil nahīñ miltā

hai hai koi dil dene ke qabil nahin milta

arman taDapte hain ki qatil nahin milta

ho aql to ho til ki jagah aankh mein laili

jhak qais ki hai sahib-e-mahmil nahin milta

gul ki tere ruKHsar se rangat nahin milti

nale se mere shor-e-anadil nahin milta

apna bhi to milta nahin dil mujh se phir ai yar

kis munh se kahun tujh se tera dil nahin milta

bosa nahin dete hain shab-e-wasl mein bhi aap

mazrua-e-umid ka hasil nahin milta

milta nahin aariz se tere mehr-e-daraKHshan

peshani se teri mah-e-kaamil nahin milta

chamke na 'waqar' aage ruKH-e-yar ke KHurshid

samjhe rahe haq se kabhi baatil nahin milta

yarab tamkin dahr mein qatil nahin milta

phike kisi dilbar se mera dil nahin milta

wo ishq ka dariya hai ki ilyas ko jis ka

kahne ko pae nam bhi sahil nahin milta

maujud hai filfil mujhe gham is ka nahin hai

gar dekhne ko ruKH ka tere til nahin milta

mashq-e-sitam-o-jor ka chaurang hun is se

aashiq koi mujh sa unhen be-dil nahin milta

ashaar 'waqar' aisi ghazal main kahun kya KHak

mushkil to ye hai qafiya mushkil nahin milta