hai husn ka eajaz ki eajaz-e-nazar kya

hai husn kā e.ajāz ki e.ajāz-e-nazar kyā

āñkhoñ meñ haiñ poshīda tire la.al-o-gohar kyā

ashkoñ ke sitāre kajī yādoñ ke sharar haiñ

ab un ke sivā aur nahīñ shām-o-sahar kyā

phir arsa-e-mahtāb hai shab-ḳhūñ kī kahānī

kirnoñ kī sināneñ haiñ ki haiñ tār-e-jigar kyā

ye raat ye mahtāb ye ḳhushbū ye tarannum

aks-e-ġham-e-jānāñ bhī hai taskīn asar kyā

ham kis se kaheñ qissa-e-mahrūmī-e-bulbul

dushman hai gulistān hī saarā gul-e-tar kyā

jis dard kā dāman tirī palkoñ se bañdhā ho

us dard kī ho saktī hai tadbīr digar kyā

har marhala-e-saḳht mire shauq kī manzil

manzil pe pahuñchnā hai ḳhatar kyā hai hazar kyā

phir dil pe barastī hai tire pyaar kī shabnam

ab ḳhauf-e-bad-andeshī-e-ḳhurshed-e-sahar kyā

ik dhuñd sī chhā.ī hai sar-e-jāda-e-ummīd

har gaam pe lā.eñge na.ī sham-e-nazar kyā

tajdīd-e-tamannā bhī hai vāmāndagi-e-shauq

phir qāfila luTtā hai sar-e-rāhguzar kyā

mahfil meñ ye kaun aayā ki bujhne lagīñ sham.eñ

lo shaam se paidā hue āsār-e-sahar kyā

hai husn ka eajaz ki eajaz-e-nazar kya

aankhon mein hain poshida tere lal-o-gohar kya

ashkon ke sitare kaji yaadon ke sharar hain

ab un ke siwa aur nahin sham-o-sahar kya

phir arsa-e-mahtab hai shab-KHun ki kahani

kirnon ki sinanen hain ki hain tar-e-jigar kya

ye raat ye mahtab ye KHushbu ye tarannum

aks-e-gham-e-jaanan bhi hai taskin asar kya

hum kis se kahen qissa-e-mahrumi-e-bulbul

dushman hai gulistan hi sara gul-e-tar kya

jis dard ka daman teri palkon se bandha ho

us dard ki ho sakti hai tadbir digar kya

har marhala-e-saKHt mere shauq ki manzil

manzil pe pahunchna hai KHatar kya hai hazar kya

phir dil pe barasti hai tere pyar ki shabnam

ab KHauf-e-bad-andeshi-e-KHurshed-e-sahar kya

ek dhund si chhai hai sar-e-jada-e-ummid

har gam pe laenge nai sham-e-nazar kya

tajdid-e-tamanna bhi hai wamandagi-e-shauq

phir qafila luTta hai sar-e-rahguzar kya

mahfil mein ye kaun aaya ki bujhne lagin shamen

lo sham se paida hue aasar-e-sahar kya