hai ek gham-e-jahan to gham-e-yar kam nahin

hai ik ġham-e-jahāñ to ġham-e-yār kam nahīñ

is muḳhtasar sī umr meñ āzār kam nahīñ

pahle kī tarah ab vo kahāñ nik.hat-e-chaman

garche ki rañg-e-ġhuncha-e-gulzār kam nahīñ

anqā hai ab ḳhulūs ki nāpaid hai vafā

duniyā meñ go ki husn ke bāzār kam nahīñ

qīmat to apnī jins-e-vafā kī lagā ke dekh

ham bhī dikhā.eñ zarf-e-ḳharīdār kam nahīñ

ik baar dard-e-dil kā masīhā to ban ke dekh

ham ibtilā-e-ishq ke bīmār kam nahīñ

behtar hai bazm-e-yār meñ ḳhāmosh hī raheñ

kahne ko rāz-e-jāñ dar-o-dīvār kam nahīñ

ab kyuuñ nahīñ hai terā vo tarz-e-bayāñ 'haqīr'

hālāñki terī sarvat-e-afkār kam nahīñ

hai ek gham-e-jahan to gham-e-yar kam nahin

is muKHtasar si umr mein aazar kam nahin

pahle ki tarah ab wo kahan nikhat-e-chaman

garche ki rang-e-ghuncha-e-gulzar kam nahin

anqa hai ab KHulus ki napaid hai wafa

duniya mein go ki husn ke bazar kam nahin

qimat to apni jins-e-wafa ki laga ke dekh

hum bhi dikhaen zarf-e-KHaridar kam nahin

ek bar dard-e-dil ka masiha to ban ke dekh

hum ibtila-e-ishq ke bimar kam nahin

behtar hai bazm-e-yar mein KHamosh hi rahen

kahne ko raaz-e-jaan dar-o-diwar kam nahin

ab kyun nahin hai tera wo tarz-e-bayan 'haqir'

haalanki teri sarwat-e-afkar kam nahin