hai isi mein pyar ki aabru wo jafa karen main wafa karun

hai isī meñ pyaar kī aabrū vo jafā kareñ maiñ vafā karūñ

jo vafā bhī kaam na aa sake to vahī kaheñ ki maiñ kyā karūñ

mujhe ġham bhī un kā aziiz hai ki unhīñ kī dī huī chiiz hai

yahī ġham hai ab mirī zindagī ise kaise dil se judā karūñ

jo na ban sake maiñ vo baat huuñ jo na ḳhatm ho maiñ vo raat huuñ

ye likhā hai mere nasīb meñ yūñhī sham.a ban ke jalā karūñ

na kisī ke dil kī huuñ aarzū na kisī nazar kī huuñ justujū

maiñ vo phuul huuñ jo udaas huuñ na bahār aa.e to kyā karūñ

hai isi mein pyar ki aabru wo jafa karen main wafa karun

jo wafa bhi kaam na aa sake to wahi kahen ki main kya karun

mujhe gham bhi un ka aziz hai ki unhin ki di hui chiz hai

yahi gham hai ab meri zindagi ise kaise dil se juda karun

jo na ban sake main wo baat hun jo na KHatm ho main wo raat hun

ye likha hai mere nasib mein yunhi shama ban ke jala karun

na kisi ke dil ki hun aarzu na kisi nazar ki hun justuju

main wo phul hun jo udas hun na bahaar aae to kya karun