hai jabr waqt ka qissa ajab sunae kaun

hai jabr vaqt kā qissa ajab sunā.e kaun

maiñ yaad us ko karūñ aur yaad aa.e kaun

ye baat bujhte diyoñ ne kisī se pūchhī thī

jale to ham the magar ḳhair jagmagā.e kaun

use talāsh to karnā hai phir ye sochtā huuñ

zamāna aur hai ab zahmateñ uThā.e kaun

yahāñ to apne charāġhoñ kī fikr hai sab ko

diyā jalāyā hai sab ne diye jalā.e kaun

yahāñ to log inhī hairatoñ meñ jiite haiñ

ki tiir kis pe chale aur zaḳhm khaa.e kaun

yahāñ to jāgtī āñkhoñ meñ ḳhvāb jāgte haiñ

jo jāgte hoñ unheñ ḳhvāb se jagā.e kaun

yahāñ kisī ko kisī kī ḳhabar nahīñ miltī

magar ye be-ḳhabarī kī ḳhabar sunā.e kaun

yahāñ to sub.h se pahle hī bazm barham hai

diyā bujhā de koī par diyā bujhā.e kaun

hai jabr waqt ka qissa ajab sunae kaun

main yaad us ko karun aur yaad aae kaun

ye baat bujhte diyon ne kisi se puchhi thi

jale to hum the magar KHair jagmagae kaun

use talash to karna hai phir ye sochta hun

zamana aur hai ab zahmaten uThae kaun

yahan to apne charaghon ki fikr hai sab ko

diya jalaya hai sab ne diye jalae kaun

yahan to log inhi hairaton mein jite hain

ki tir kis pe chale aur zaKHm khae kaun

yahan to jagti aankhon mein KHwab jagte hain

jo jagte hon unhen KHwab se jagae kaun

yahan kisi ko kisi ki KHabar nahin milti

magar ye be-KHabari ki KHabar sunae kaun

yahan to subh se pahle hi bazm barham hai

diya bujha de koi par diya bujhae kaun