hai jo tufan be-nawaon mein

hai jo tūfān be-navāoñ meñ

phailne ko hai ab havāoñ meñ

raakh dil kī kuredne vaalo

aag lag jā.egī fazāoñ meñ

mujh ko chauñkā.e kyā koī naġhma

gum huuñ maiñ apnī hī sadāoñ meñ

bas yahī hai fasāna-e-hastī

saañs lī ghir ga.e balāoñ meñ

aur me.ār-e-haq buland huā

kuchh izāfa huā sazāoñ meñ

aañkh rakhtī hai kyā samā.at bhī

sūrateñ dekh liiñ sadāoñ meñ

umr bhar DhūñDte rahe 'sāġhar'

bū-e-iḳhlās kaj-adāoñ meñ

hai jo tufan be-nawaon mein

phailne ko hai ab hawaon mein

rakh dil ki kuredne walo

aag lag jaegi fazaon mein

mujh ko chaunkae kya koi naghma

gum hun main apni hi sadaon mein

bas yahi hai fasana-e-hasti

sans li ghir gae balaon mein

aur mear-e-haq buland hua

kuchh izafa hua sazaon mein

aankh rakhti hai kya samaat bhi

suraten dekh lin sadaon mein

umr bhar DhunDte rahe 'saghar'

bu-e-iKHlas kaj-adaon mein