hai justuju ki KHub se hai KHub-tar kahan

hai justujū ki ḳhuub se hai ḳhūb-tar kahāñ

ab Thahratī hai dekhiye jā kar nazar kahāñ

haiñ daur-e-jām-e-avval-e-shab meñ ḳhudī se duur

hotī hai aaj dekhiye ham ko sahar kahāñ

yā rab is iḳhtilāt kā anjām ho ba-ḳhair

thā us ko ham se rabt magar is qadar kahāñ

ik umr chāhiye ki gavārā ho nīsh-e-ishq

rakkhī hai aaj lazzat-e-zaḳhm-e-jigar kahāñ

bas ho chukā bayāñ kasal-o-ranj-e-rāh kā

ḳhat kā mire javāb hai ai nāma-bar kahāñ

kaun o makāñ se hai dil-e-vahshī kanāra-gīr

is ḳhānumāñ-ḳharāb ne DhūñDā hai ghar kahāñ

ham jis pe mar rahe haiñ vo hai baat hī kuchh aur

aalam meñ tujh se laakh sahī tū magar kahāñ

hotī nahīñ qubūl duā tark-e-ishq kī

dil chāhtā na ho to zabāñ meñ asar kahāñ

'hālī' nashāt-e-naġhma-o-mai DhūñDhte ho ab

aa.e ho vaqt-e-sub.h rahe raat bhar kahāñ

hai justuju ki KHub se hai KHub-tar kahan

ab Thahrati hai dekhiye ja kar nazar kahan

hain daur-e-jam-e-awwal-e-shab mein KHudi se dur

hoti hai aaj dekhiye hum ko sahar kahan

ya rab is iKHtilat ka anjam ho ba-KHair

tha us ko hum se rabt magar is qadar kahan

ek umr chahiye ki gawara ho nish-e-ishq

rakkhi hai aaj lazzat-e-zaKHm-e-jigar kahan

bas ho chuka bayan kasal-o-ranj-e-rah ka

KHat ka mere jawab hai ai nama-bar kahan

kaun o makan se hai dil-e-wahshi kanara-gir

is KHanuman-KHarab ne DhunDa hai ghar kahan

hum jis pe mar rahe hain wo hai baat hi kuchh aur

aalam mein tujh se lakh sahi tu magar kahan

hoti nahin qubul dua tark-e-ishq ki

dil chahta na ho to zaban mein asar kahan

'haali' nashat-e-naghma-o-mai DhunDhte ho ab

aae ho waqt-e-subh rahe raat bhar kahan