hai kabhi dil kabhi nigah se jang

hai kabhī dil kabhī nigāh se jañg

roz ik ḳhvāhish-e-gunāh se jañg

roz ġham ke na.e mahāz pe huuñ

roz laḌnā na.ī sipāh se jañg

chaar sū garm hai mahāz koī

kahīñ munsif kahīñ gavāh se jañg

muddatoñ se yahī tamāshā hai

ḳhvāhishoñ kī dil-e-tabāh se jañg

sañg bhī haath meñ nahīñ koī

chhiḌ ga.ī hai sagān-e-rāh se jañg

mere andar se koī kahtā hai

chheḌ arbāb-e-izz-o-jāh se jañg

ab to 'ausāf' har bisāt pe hai

ik piyāde kī ek shaah se jañg

hai kabhi dil kabhi nigah se jang

roz ek KHwahish-e-gunah se jang

roz gham ke nae mahaz pe hun

roz laDna nai sipah se jang

chaar su garm hai mahaz koi

kahin munsif kahin gawah se jang

muddaton se yahi tamasha hai

KHwahishon ki dil-e-tabah se jang

sang bhi hath mein nahin koi

chhiD gai hai sagan-e-rah se jang

mere andar se koi kahta hai

chheD arbab-e-izz-o-jah se jang

ab to 'ausaf' har bisat pe hai

ek piyaade ki ek shah se jang