hai kaisi tajalli aaj ki shab is baam-o-dar mein kaun kahe
![Syed Shabbir Hassan Rizvi Syed Shabbir Hassan Rizvi](https://rekhta.pc.cdn.bitgravity.com/Images/Shayar/round/syed-shabbir-hassan-rizvi.png)
hai kaisi tajalli aaj ki shab is baam-o-dar mein kaun kahe
Syed Shabbir Hassan Rizvi
MORE BYSyed Shabbir Hassan Rizvi
hai kaisī tajallī aaj kī shab is bām-o-dar meñ kaun kahe
ham hoñge kahāñ ai jazba-e-dil tanvīr-e-sahar meñ kaun kahe
lo aage āḳhir manzil hai ab shauq kā 'ālam mat pūchho
daurān-e-safar meñ kyā guzrī pāyān-e-safar meñ kaun kahe
māyūs nigāh-e-lutf nahīñ kahtā to huuñ maiñ Darte Darte
jab pesh ho merī fard-e-gunah kyā ho mahshar meñ kaun kahe
nā-vāqif-e-rāz-e-haqīqat haiñ 'shabbīr' batāte haiñ jo use
ḳhud ḳhāna-e-ḳhālī kyā bole thā kaun is ghar meñ kaun kahe
hai kaisi tajalli aaj ki shab is baam-o-dar mein kaun kahe
hum honge kahan ai jazba-e-dil tanwir-e-sahar mein kaun kahe
lo aage aaKHir manzil hai ab shauq ka 'alam mat puchho
dauran-e-safar mein kya guzri payan-e-safar mein kaun kahe
mayus nigah-e-lutf nahin kahta to hun main Darte Darte
jab pesh ho meri fard-e-gunah kya ho mahshar mein kaun kahe
na-waqif-e-raaz-e-haqiqat hain 'shabbir' batate hain jo use
KHud KHana-e-KHali kya bole tha kaun is ghar mein kaun kahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.