hai KHamoshi zulm-charKH-e-dev-paikar ka jawab

hai ḳhamoshī zulm-charḳh-e-dev-paikar kā javāb

aadmī hotā to ham dete barābar kā javāb

jo bagūlā dasht-e-ġhurbat meñ uThā samjhā ye maiñ

kartī hai tā'mīr dīvānī mire ghar kā javāb

saath ḳhanjar ke chalegī vaqt-e-zab.h apnī zabān

jaan dene vaale dete haiñ barābar kā javāb

sajda kartā huuñ jo maiñ Thokar lagātā hai vo but

paañv us kā baḌh ke detā hai mire sar kā javāb

abr ke TukḌe na uljheñ merī mauj-e-ashk se

ḳhushk maġhzoñ se hai mushkil misra-e-tar kā javāb

vo khiñchā thā maiñ bhī khiñch rahtā to bantī kis tarah

sar jhukā detā thā qātil tere ḳhanjar kā javāb

jīte-jī mumkin nahīñ us shoḳh kā ḳhat dekhnā

baa'd mere aa.egā mere muqaddar kā javāb

shaiḳh kahtā hai brahman ko brahman us ko saḳht

kā'ba o but-ḳhāna meñ patthar hai patthar kā javāb

roz dikhlātā hai gardūñ kaisī kaisī sūrateñ

but-tarāshī meñ hai ye kāfir bhī aazar kā javāb

har jagah qabr-e-gadā takiye meñ har jā gor-e-shāh

ek ghar is shahr meñ hai dūsre ghar kā javāb

jalva-gar hai nūr-e-haq hone se yaktā.ī 'amīr'

saaya bhī hotā agar hotā payambar kā javāb

hai KHamoshi zulm-charKH-e-dew-paikar ka jawab

aadmi hota to hum dete barabar ka jawab

jo bagula dasht-e-ghurbat mein uTha samjha ye main

karti hai ta'mir diwani mere ghar ka jawab

sath KHanjar ke chalegi waqt-e-zabh apni zaban

jaan dene wale dete hain barabar ka jawab

sajda karta hun jo main Thokar lagata hai wo but

panw us ka baDh ke deta hai mere sar ka jawab

abr ke TukDe na uljhen meri mauj-e-ashk se

KHushk maghzon se hai mushkil misra-e-tar ka jawab

wo khincha tha main bhi khinch rahta to banti kis tarah

sar jhuka deta tha qatil tere KHanjar ka jawab

jite-ji mumkin nahin us shoKH ka KHat dekhna

ba'd mere aaega mere muqaddar ka jawab

shaiKH kahta hai brahman ko brahman us ko saKHt

ka'ba o but-KHana mein patthar hai patthar ka jawab

roz dikhlata hai gardun kaisi kaisi suraten

but-tarashi mein hai ye kafir bhi aazar ka jawab

har jagah qabr-e-gada takiye mein har ja gor-e-shah

ek ghar is shahr mein hai dusre ghar ka jawab

jalwa-gar hai nur-e-haq hone se yaktai 'amir'

saya bhi hota agar hota payambar ka jawab