ہے خسارہ جو خسارے کو خسارہ جانے

ہے خسارہ جو خسارے کو خسارہ جانے

ہم ترے ہجر کے دریا کو کنارہ جانے

اٹھ کے دیکھا تو خموشی کے سوا کوئی نہ تھا

رات بھر کس نے مرا نام پکارا جانے

کوئی ایسا ہو بتاؤں نہ کوئی بات جسے

رہوں خاموش مگر حال وہ سارا جانے

خواب کیا چیز ہے اور رات کسے کہتے ہیں

نیند جانے یا کوئی نیند کا مارا جانے

زلزلہ آ کے گزر جاتے ہیں جن شہروں سے

کس طرح بستے ہیں وہ شہر دوبارہ جانے

جسے دیکھو وہی حق مانگ رہا ہے اپنا

کوئی تو ہو جو یہاں ہم کو ہمارا جانے