hai koi baat yaqinan nisab ke pichhe

hai koī baat yaqīnan nisāb ke pīchhe

savāl tan ke khaḌā hai javāb ke pīchhe

ye aur baat ki gulshan ko naaz hai is par

magar haiñ saikḌoñ kāñTe gulāb ke pīchhe

maiñ us ke sāmne rusvā kabhī nahīñ hotā

chhupā huā huuñ junūñ kī kitāb ke pīchhe

bujhegī pyaas na hargiz qarīb jā kar bhī

magar vo bhaag rahā hai sarāb ke pīchhe

kahāñ hai niiñd ke sahrā meñ chhoḌne vaalā

bhaTak na jā.ūñ kahīñ maiñ bhī ḳhvāb ke pīchhe

'alīm' jalva nigāhoñ meñ kis tarah aatā

chhupā thā husn kisī kā hijāb ke pīchhe

hai koi baat yaqinan nisab ke pichhe

sawal tan ke khaDa hai jawab ke pichhe

ye aur baat ki gulshan ko naz hai is par

magar hain saikDon kanTe gulab ke pichhe

main us ke samne ruswa kabhi nahin hota

chhupa hua hun junun ki kitab ke pichhe

bujhegi pyas na hargiz qarib ja kar bhi

magar wo bhag raha hai sarab ke pichhe

kahan hai nind ke sahra mein chhoDne wala

bhaTak na jaun kahin main bhi KHwab ke pichhe

'alim' jalwa nigahon mein kis tarah aata

chhupa tha husn kisi ka hijab ke pichhe