hai mere samne taswir-e-chashm-e-yar hanuz

hai mere sāmne tasvīr-e-chashm-e-yār hanūz

maiñ pī rahā huuñ mai-e-husn baar baar hanūz

tamām raat vo uTh uTh ke baiThnā tauba

mirī nigāh meñ hai hashr-e-intizār hanūz

ba-qadr-e-shauq tirā dard-mand-e-ishq huuñ maiñ

ba-qadr-e-zarf mirā dil hai be-qarār hanūz

agarche ek dafa pī thī zindagī kī sharāb

bhugat rahā huuñ maiñ ḳhamyāza-e-ḳhumār hunūz

bahār ruuTh ke mujh se chalī ga.ī lekin

mirī nigāh meñ hai jalva-e-bahār hanūz

yaqīn hai ki vo 'anvar' yahāñ na ā.eñge

uThā rahā huuñ magar lutf-e-intizār hanūz

hai mere samne taswir-e-chashm-e-yar hanuz

main pi raha hun mai-e-husn bar bar hanuz

tamam raat wo uTh uTh ke baiThna tauba

meri nigah mein hai hashr-e-intizar hanuz

ba-qadr-e-shauq tera dard-mand-e-ishq hun main

ba-qadr-e-zarf mera dil hai be-qarar hanuz

agarche ek dafa pi thi zindagi ki sharab

bhugat raha hun main KHamyaza-e-KHumar hunuz

bahaar ruTh ke mujh se chali gai lekin

meri nigah mein hai jalwa-e-bahaar hanuz

yaqin hai ki wo 'anwar' yahan na aaenge

uTha raha hun magar lutf-e-intizar hanuz