hai mere hind ki tahzib ki paikar urdu

hai mire hind kī tahzīb kī paikar urdu

apnī mushtarka virāsat kī hai duḳhtar urdu

is ke har lafz meñ tahzīb kī nūrānī hai

lafz-e-tābāñ liye hai mere munavvar urdu

mulk mere kabhī mahsūs kiyā hai tū ne

terī guftār meñ aa jaatī hai aksar urdu

'mīr' o 'ġhālib' hoñ yā 'sāhir' se nagīne kitne

tū ne ham ko diye mumtāz suḳhanvar urdu

tere shaidā.ī haiñ phūloñ se tujhe Dhak leñge

tujh pe ā.eñge siyāsat ke jo patthar urdu

hind kī ḳhaak kā har rang milā hai tujh meñ

saarī nadiyoñ se banī hai tū samundar urdu

mujh ko ab sirf usī din kī tamanna hai 'sahāb'

bolī jā.egī mire mulk meñ ghar ghar urdu

hai mere hind ki tahzib ki paikar urdu

apni mushtarka wirasat ki hai duKHtar urdu

is ke har lafz mein tahzib ki nurani hai

lafz-e-taban liye hai mere munawwar urdu

mulk mere kabhi mahsus kiya hai tu ne

teri guftar mein aa jati hai aksar urdu

'mir' o 'ghaalib' hon ya 'sahir' se nagine kitne

tu ne hum ko diye mumtaz suKHanwar urdu

tere shaidai hain phulon se tujhe Dhak lenge

tujh pe aaenge siyasat ke jo patthar urdu

hind ki KHak ka har rang mila hai tujh mein

sari nadiyon se bani hai tu samundar urdu

mujh ko ab sirf usi din ki tamanna hai 'sahab'

boli jaegi mere mulk mein ghar ghar urdu