hai pesh-e-nazar shoKHi-e-tahrir kisi ki

hai pesh-e-nazar shoḳhi-e-tahrīr kisī kī

kāġhaz pe utar aa.ī hai tasvīr kisī kī

hāsil hai farāġhat to na itrāo ziyāda

rahtī hai na rah pā.egī jāgīr kisī kī

duniyā jise kahte haiñ miyāñ jā-e-amal hai

bātoñ se kahīñ bantī hai taqdīr kisī kī

kam-zarf qayās apne pe kar lete haiñ ḳhud hī

ham sher meñ karte nahīñ tahqīr kisī kī

kis haal meñ yārān-e-adam haiñ nahīñ ma.alūm

aa.ī na ḳhabar tā-dam-e-tahrīr kisī kī

is baab meñ ahbāb ko hāsil hai fazīlat

kab merī taraf hotī hai tash.hīr kisī kī

lagtā hai ki dīvānoñ ko raas aa gayā zindāñ

muddat se khaḌaktī nahīñ zanjīr kisī kī

hai pesh-e-nazar shoKHi-e-tahrir kisi ki

kaghaz pe utar aai hai taswir kisi ki

hasil hai faraghat to na itrao ziyaada

rahti hai na rah paegi jagir kisi ki

duniya jise kahte hain miyan ja-e-amal hai

baaton se kahin banti hai taqdir kisi ki

kam-zarf qayas apne pe kar lete hain KHud hi

hum sher mein karte nahin tahqir kisi ki

kis haal mein yaran-e-adam hain nahin malum

aai na KHabar ta-dam-e-tahrir kisi ki

is bab mein ahbab ko hasil hai fazilat

kab meri taraf hoti hai tashhir kisi ki

lagta hai ki diwanon ko ras aa gaya zindan

muddat se khaDakti nahin zanjir kisi ki