hai rashk-e-wasl se gham-e-dildar hi bhala

hai rashk-e-vasl se ġham-e-dildār hī bhalā

rāhat se aisī ham ko vo dil-āzār hī bhalā

duniyā meñ yaaro yār-e-vafādār hī nahīñ

aur jo na ho to rahnā hai be-yār hī bhalā

ma.ashūq kā nazāra mayassar ho yā na ho

āshiq hamesha tālib-e-dīdār hī bhalā

zaarī pe merī rahm bhī kar aa ḳhudā ko maan

kāfir rahegā ham se tū bezār hī bhalā

atvār-e-bad hai ġhair se ḳhulta mire huzūr

is ke evaz na kar tū hameñ pyaar hī bhalā

zaḳhmoñ se ġham ke terā kaleja to chhil gayā

bulbul hai aise gul se tujhe ḳhaar hī bhalā

ik jur.a dard-e-mai pe ho itnā na talḳh-o-tund

saaqī maiñ aise mast se hoshyār hī bhalā

'hasrat' burā kiyā maiñ uThāyā dil us se kyuuñ

dildār gar na thā to dil-āzār hī bhalā

hai rashk-e-wasl se gham-e-dildar hi bhala

rahat se aisi hum ko wo dil-azar hi bhala

duniya mein yaro yar-e-wafadar hi nahin

aur jo na ho to rahna hai be-yar hi bhala

mashuq ka nazara mayassar ho ya na ho

aashiq hamesha talib-e-didar hi bhala

zari pe meri rahm bhi kar aa KHuda ko man

kafir rahega hum se tu bezar hi bhala

atwar-e-bad hai ghair se KHulta mere huzur

is ke ewaz na kar tu hamein pyar hi bhala

zaKHmon se gham ke tera kaleja to chhil gaya

bulbul hai aise gul se tujhe KHar hi bhala

ek jura dard-e-mai pe ho itna na talKH-o-tund

saqi main aise mast se hoshyar hi bhala

'hasrat' bura kiya main uThaya dil us se kyun

dildar gar na tha to dil-azar hi bhala