ہے شام سہانی نہ سویرا مرے آگے

ہے شام سہانی نہ سویرا مرے آگے

دل روتا ہے تنہائی کا رونا مرے آگے

وہ حادثۂ عشق مجھے یاد ہے اب تک

ہاتھوں سے چھپانا ترا چہرہ مرے آگے

دل حاضر و ماضی کے ہو مابین معلق

آنکھوں میں تو ہے ساعت فردا مرے آگے

ہے گلشن ہستی میں ہر اک شے پہ تجلی

ہر دم تری قدرت کا ہے جلوہ مرے آگے

تدبیر و تحمل تو ہے ہو فرقت و غربت

محرومیٔ قسمت ہے تماشا مرے آگے

مرنے کا ہی اک خواب ہو شرمندۂ تعبیر

ہو جلوہ نما گنبد خضرا مرے آگے

کیا جانیے کیا ضد ہے مرے عشق سے ان کو

ناصح مرے پیچھے ہیں مسیحا مرے آگے

آ تجھ کو سکھاؤں میں محبت کا سلیقہ

اس شہر میں کوئی نہیں تجھ سا مرے آگے

دل جرأت رندانہ پہ کیوں کرتا نہ عش عش

وہ کرتے رہے وعدۂ فردا مرے آگے