ہے تمنا کوئی نہ کوئی آس
ہے تمنا کوئی نہ کوئی آس
زندگی ہے بہت اداس اداس
کیوں نہ غم کو گلے لگاؤں میں
کس کو آئی ہے شادمانی راس
منزلوں کے قریب تر ہے وہ
عشق میں کھو چکا جو ہوش و حواس
کیا کروں ایسے دوستوں کو میں
دوست داری کی جن میں بو ہے نہ باس
خیر ہو ضبط عشق کی یا رب
اک چبھن سی ہے آج دل کے پاس
میری دیوانگی ہی کام آئی
آج پہنا ہے زندگی نے لباس
اے کنولؔ موت سے بھی بد تر ہے
زیست جو ہو بہ قید خوف و ہراس
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
