hai wahi naz-afrin aaina-e-niyaz mein

hai vahī nāz-āfrīñ ā.īna-e-niyāz meñ

jis kī ziyā hai soz meñ jis kī sadā hai saaz meñ

apne niyāz-mand hai parde kī rasm-o-rāh hai

varna hijāb ko kahāñ daḳhl harīm-e-nāz meñ

sajde meñ mar gayā agar phir na uThegā hashr tak

qaid na rakhiye vaqt kī mere liye namāz meñ

naaz ko nuur kar diyā sarvar-e-kā.ināt ne

vo jo lagī thī tuur par aa ke bujhī hijāz meñ

'nātiq' soḳhta-jigar dil pe to haath rakh zarā

ab ke bhī kuchh chamak sī thī nāla-e-jāñ-gudāz meñ

hai wahi naz-afrin aaina-e-niyaz mein

jis ki ziya hai soz mein jis ki sada hai saz mein

apne niyaz-mand hai parde ki rasm-o-rah hai

warna hijab ko kahan daKHl harim-e-naz mein

sajde mein mar gaya agar phir na uThega hashr tak

qaid na rakhiye waqt ki mere liye namaz mein

naz ko nur kar diya sarwar-e-kainat ne

wo jo lagi thi tur par aa ke bujhi hijaz mein

'natiq' soKHta-jigar dil pe to hath rakh zara

ab ke bhi kuchh chamak si thi nala-e-jaan-gudaz mein