hai ye surat gham ke bas izhaar ki

hai ye sūrat ġham ke bas iz.hār kī

Dhaal diije shakl meñ ash.ār kī

ḳhairiyat matlūb hai dildār kī

dāstāñ mat chheḌiye sansār kī

hai ajab sūrat yahāñ takrār kī

dil kī māneñ baat yā dildār kī

ḳhāsiyat ye dil ke hai darbār kī

qadr hotī hai yahāñ bas pyaar kī

hai ḳhushī itne meñ hī bīmār kī

koī sūrat to huī dīdār kī

zimmedārī tum pe hai ghar-bār kī

harkateñ chhoḌo miyāñ bekār kī

dil meñ rahte haiñ magar anjān se

jaane kyā marzī hai apne yaar kī

mas.ala pand-o-nasīhat kā durust

chhāp paḌtī hai magar kirdār kī

har ta.alluq kā hai kuchh maqsad 'sahar'

kaun suntā hai kisī lāchār kī

hai ye surat gham ke bas izhaar ki

Dhaal dije shakl mein ashaar ki

KHairiyat matlub hai dildar ki

dastan mat chheDiye sansar ki

hai ajab surat yahan takrar ki

dil ki manen baat ya dildar ki

KHasiyat ye dil ke hai darbar ki

qadr hoti hai yahan bas pyar ki

hai KHushi itne mein hi bimar ki

koi surat to hui didar ki

zimmedari tum pe hai ghar-bar ki

harkaten chhoDo miyan bekar ki

dil mein rahte hain magar anjaan se

jaane kya marzi hai apne yar ki

masala pand-o-nasihat ka durust

chhap paDti hai magar kirdar ki

har talluq ka hai kuchh maqsad 'sahar'

kaun sunta hai kisi lachaar ki