hai zamin par dayar miTTi ka

hai zamīñ par dayār miTTī kā

miTTī sahtī hai baar miTTī kā

sajda karne se jab kiyā inkār

tab vo samjhā vaqār miTTī kā

us ne putle meñ jaan kyā Daalī

ban gayā shāhkār miTTī kā

is ko milnā hai ḳhaak meñ ik din

kuchh nahīñ e.atibār miTTī kā

kis aziyyat se jaan niklī hai

us pe bhārī mazār miTTī kā

jaan pardes meñ ga.ī lekin

hind ko intizār miTTī kā

jism-e-at.har lahad meñ rakkhā hai

kab huā vo shikār miTTī kā

aaj barsāt pī ga.ī us ko

jo thā parvardigār miTTī kā

ye jo chashme ubalte haiñ kyā hai

ronā zār-o-qatār miTTī kā

aañkh meñ chubh rahī hai uryānī

jaise gard-o-ġhubār miTTī kā

baa'd marne ke hī chukā paayā

mujh pe jo thā udhār miTTī kā

maut 'ahsan' lahad meñ le aa.ī

ye hai miTTī se pyaar miTTī kā

hai zamin par dayar miTTi ka

miTTi sahti hai bar miTTi ka

sajda karne se jab kiya inkar

tab wo samjha waqar miTTi ka

us ne putle mein jaan kya Dali

ban gaya shahkar miTTi ka

is ko milna hai KHak mein ek din

kuchh nahin eatibar miTTi ka

kis aziyyat se jaan nikli hai

us pe bhaari mazar miTTi ka

jaan pardes mein gai lekin

hind ko intizar miTTi ka

jism-e-athar lahad mein rakkha hai

kab hua wo shikar miTTi ka

aaj barsat pi gai us ko

jo tha parwardigar miTTi ka

ye jo chashme ubalte hain kya hai

rona zar-o-qatar miTTi ka

aankh mein chubh rahi hai uryani

jaise gard-o-ghubar miTTi ka

ba'd marne ke hi chuka paya

mujh pe jo tha udhaar miTTi ka

maut 'ahsan' lahad mein le aai

ye hai miTTi se pyar miTTi ka