hain be-niyaz-e-KHalq tera dar hai aur hum

haiñ be-niyāz-e-ḳhalq tirā dar hai aur ham

terī galī hai ḳhaak kā bistar hai aur ham

sajdoñ se raat din ke hai tauhīn-e-bandagī

sar toḌne ke vāste patthar hai aur ham

is ḳhauf se ki paañv na khul jaa.e ġhair kā

din raat kū-e-yār kā chakkar hai aur ham

kaisā ḳhulūs kis kī mohabbat kahāñ kā ishq

mahshar meñ dāman-e-but-e-ḳhud-sar hai aur ham

go harf harf Daal diyā un ke kaan meñ

aage 'rashīd' apnā muqaddar hai aur ham

hain be-niyaz-e-KHalq tera dar hai aur hum

teri gali hai KHak ka bistar hai aur hum

sajdon se raat din ke hai tauhin-e-bandagi

sar toDne ke waste patthar hai aur hum

is KHauf se ki panw na khul jae ghair ka

din raat ku-e-yar ka chakkar hai aur hum

kaisa KHulus kis ki mohabbat kahan ka ishq

mahshar mein daman-e-but-e-KHud-sar hai aur hum

go harf harf Dal diya un ke kan mein

aage 'rashid' apna muqaddar hai aur hum