hain dam ke sath ishrat o usrat hazar-ha

haiñ dam ke saath ishrat o usrat hazār-hā

vābasta ek tār-e-nafas se haiñ tār-hā

kuchh said-zaḳhm-ḳhurda-e-jānāñ hamīñ nahīñ

har said-gah meñ us kī haiñ bismil shikār-hā

aayā vo jab to ham na rahe aap meñ ġharaz

dekhā isī tarah se use ham ne bār-hā

us gul ke chāk-e-jeb kī hasrat se baaġh meñ

har sub.h chaak hotī haiñ jeb-o-kanār-hā

us sozan-e-mizha ke tasavvur meñ shāna-sāñ

TuuTe haiñ ek ḳhalq ke pahlū meñ ḳhār-hā

kis kis kī dekhiye chaman-e-san.a meñ bahār

apnī faqat do chashm haiñ aur yaañ bahār-hā

the kal ye ḳhatt-e-āriz-e-ḳhūbān-e-sabza-rañg

kahte haiñ aaj ḳhalq jinheñ sabza-zār-hā

the kal ye shāhidān-e-sahī sarv-o-sīm-tan

shāhid haiñ aaj marg ke jin ke mazār-hā

sab ko 'nazīr' sonā hai ek din ba-zer-e-ḳhāk

sañg-e-mazār us ke haiñ ā.īna-dār-hā

hain dam ke sath ishrat o usrat hazar-ha

wabasta ek tar-e-nafas se hain tar-ha

kuchh said-zaKHm-KHurda-e-jaanan hamin nahin

har said-gah mein us ki hain bismil shikar-ha

aaya wo jab to hum na rahe aap mein gharaz

dekha isi tarah se use hum ne bar-ha

us gul ke chaak-e-jeb ki hasrat se bagh mein

har subh chaak hoti hain jeb-o-kanar-ha

us sozan-e-mizha ke tasawwur mein shana-san

TuTe hain ek KHalq ke pahlu mein KHar-ha

kis kis ki dekhiye chaman-e-sana mein bahaar

apni faqat do chashm hain aur yan bahaar-ha

the kal ye KHatt-e-ariz-e-KHuban-e-sabza-rang

kahte hain aaj KHalq jinhen sabza-zar-ha

the kal ye shahidan-e-sahi sarw-o-sim-tan

shahid hain aaj marg ke jin ke mazar-ha

sab ko 'nazir' sona hai ek din ba-zer-e-KHak

sang-e-mazar us ke hain aaina-dar-ha