hain ye janjal sare ji ke sath

haiñ ye janjāl saare jī ke saath

maut har dam hai zindagī ke saath

bevafā.ī vafā ke badle meñ

hotī aa.ī hai aadmī ke saath

fikr-e-nān-e-shabīna hai be-kār

rizq aatā hai aadmī ke saath

paas thā zar to koī aib na thā

sab uyuub aa.e be-zarī ke saath

ab to sohān-e-rūh udāsī hai

dil-lagī to thī dil-lagī ke saath

kis qadar hasrat-e-sulūk-o-dard

be-kasī ko hai be-kasī ke saath

kaaT hī leñge zindagī kā safar

ranj ke saath kuchh ḳhushī ke saath

ab bhī dair-o-haram ko jaatā huuñ

lekin andāz-e-be-dilī ke saath

ishq meñ rashk bhī gumāñ bhī hai

vāsta kyā tumheñ kisī ke saath

jaam par jaam kījiye nosh aap

lekin ādāb-e-mai-kashī ke saath

aur bhī haiñ gunāh duniyā meñ

is qadar bair mai-kashī ke saath

but-parastī hai koī khel nahīñ

kiije īmāñ kī puḳhtagī ke saath

hain ye janjal sare ji ke sath

maut har dam hai zindagi ke sath

bewafai wafa ke badle mein

hoti aai hai aadmi ke sath

fikr-e-nan-e-shabina hai be-kar

rizq aata hai aadmi ke sath

pas tha zar to koi aib na tha

sab uyub aae be-zari ke sath

ab to sohan-e-ruh udasi hai

dil-lagi to thi dil-lagi ke sath

kis qadar hasrat-e-suluk-o-dard

be-kasi ko hai be-kasi ke sath

kaT hi lenge zindagi ka safar

ranj ke sath kuchh KHushi ke sath

ab bhi dair-o-haram ko jata hun

lekin andaz-e-be-dili ke sath

ishq mein rashk bhi guman bhi hai

wasta kya tumhein kisi ke sath

jam par jam kijiye nosh aap

lekin aadab-e-mai-kashi ke sath

aur bhi hain gunah duniya mein

is qadar bair mai-kashi ke sath

but-parasti hai koi khel nahin

kije iman ki puKHtagi ke sath