hairat-kade mein aise nazar aa raha hai dil

hairat-kade meñ aise nazar aa rahā hai dil

jaise kisī ḳhayāl se Takrā rahā hai dil

kaj aañkh ho yā kaj ho jabīñ yā ho kaj ravish

tīnoñ hī zāviyoñ se phaTā jā rahā hai dil

merī parī ke lahje meñ kuchh to 'ajīb hai

jumbish kī dhaar se hī kaTā jā rahā hai dil

dil ne kahā hai dil se ki dil dil ko milne aa.e

is dilbarī meñ dil kī chalā jā rahā hai dil

jis kī kamī ne ham ko suḳhan-var banā diyā

ab tak usī ko soch ghuTā jā rahā hai dil

lagtā hai aaj phir vo mujhe yaad aa gayā

māyūs is qadar jo huā jā rahā hai dil

hairat-kade mein aise nazar aa raha hai dil

jaise kisi KHayal se Takra raha hai dil

kaj aankh ho ya kaj ho jabin ya ho kaj rawish

tinon hi zawiyon se phaTa ja raha hai dil

meri pari ke lahje mein kuchh to 'ajib hai

jumbish ki dhaar se hi kaTa ja raha hai dil

dil ne kaha hai dil se ki dil dil ko milne aae

is dilbari mein dil ki chala ja raha hai dil

jis ki kami ne hum ko suKHan-war bana diya

ab tak usi ko soch ghuTa ja raha hai dil

lagta hai aaj phir wo mujhe yaad aa gaya

mayus is qadar jo hua ja raha hai dil