hairat-zada main un ke muqabil mein rah gaya

hairat-zada maiñ un ke muqābil meñ rah gayā

jo dil kā mudda.ā thā mire dil meñ rah gayā

ḳhanjar kā vaar karte hī qātil ravāñ huā

armān-e-dīd dīda-e-bismil meñ rah gayā

jitnī safā thī sab ruḳh-e-jānāñ meñ aa ga.ī

jo daaġh rah gayā mah-e-kāmil meñ rah gayā

ai mehrbān dasht-e-mohabbat chale chalo

apnā to pā-e-shauq salāsil meñ rah gayā

vahshat-fazā bahut thī havā dasht-e-qais kī

parda kisī kā parda-e-mahmil meñ rah gayā

'mahrūm' dil ke haath se jaañ thī azaab meñ

achchhā huā ki yaar kī mahfil meñ rah gayā

hairat-zada main un ke muqabil mein rah gaya

jo dil ka muddaa tha mere dil mein rah gaya

KHanjar ka war karte hi qatil rawan hua

arman-e-did dida-e-bismil mein rah gaya

jitni safa thi sab ruKH-e-jaanan mein aa gai

jo dagh rah gaya mah-e-kaamil mein rah gaya

ai mehrban dasht-e-mohabbat chale chalo

apna to pa-e-shauq salasil mein rah gaya

wahshat-faza bahut thi hawa dasht-e-qais ki

parda kisi ka parda-e-mahmil mein rah gaya

'mahrum' dil ke hath se jaan thi azab mein

achchha hua ki yar ki mahfil mein rah gaya