halak-e-ghamza-e-baatil nahin hai

halāk-e-ġhamza-e-bātil nahīñ hai

mire siine meñ aisā dil nahīñ hai

nahīñ hai ik sukūn-e-dil nahīñ hai

vagarna kyā mujhe hāsil nahīñ hai

zamāne kī masīhā.ī se hāsil

vahī jab chārasāz-e-dil nahīñ hai

yahī kahtā huuñ dil se har qadam par

are zālim yahī manzil nahīñ hai

vo aisā kaun sā aañsū hai jis meñ

mirā ḳhūn-e-jigar shāmil nahīñ hai

mohabbat se koī dekhe to dekhe

ki dil hai kāsa-e-sā.il nahīñ hai

rahīn-e-ġham sahī 'hairat' magar dil

charāġh-e-kushta-e-mahfil nahīñ hai

halak-e-ghamza-e-baatil nahin hai

mere sine mein aisa dil nahin hai

nahin hai ek sukun-e-dil nahin hai

wagarna kya mujhe hasil nahin hai

zamane ki masihai se hasil

wahi jab chaarasaz-e-dil nahin hai

yahi kahta hun dil se har qadam par

are zalim yahi manzil nahin hai

wo aisa kaun sa aansu hai jis mein

mera KHun-e-jigar shamil nahin hai

mohabbat se koi dekhe to dekhe

ki dil hai kasa-e-sail nahin hai

rahin-e-gham sahi 'hairat' magar dil

charagh-e-kushta-e-mahfil nahin hai