halak-e-kashmakash-e-raegan bahut se hain
halāk-e-kashmakash-e-rā.egāñ bahut se haiñ
ki zindagī hai to kār-e-ziyāñ bahut se haiñ
maiñ is havā meñ bahut der raushnī dūñgā
abhī diye sar-e-mehrāb-e-jāñ bahut se haiñ
use bhī apne sañvarne kā kab ḳhayāl aayā
jab ahl-e-ishq ko kār-e-jahāñ bahut se haiñ
is ek baat pe hairāñ hai vaqt kā munsif
ki is meñ kaun sā sach hai bayāñ bahut se haiñ
ajab ye ḳhitta-e-zinda-dilāñ huā ābād
ki ghar kahīñ bhī nahīñ aur makāñ bahut se haiñ
halak-e-kashmakash-e-raegan bahut se hain
ki zindagi hai to kar-e-ziyan bahut se hain
main is hawa mein bahut der raushni dunga
abhi diye sar-e-mehrab-e-jaan bahut se hain
use bhi apne sanwarne ka kab KHayal aaya
jab ahl-e-ishq ko kar-e-jahan bahut se hain
is ek baat pe hairan hai waqt ka munsif
ki is mein kaun sa sach hai bayan bahut se hain
ajab ye KHitta-e-zinda-dilan hua aabaad
ki ghar kahin bhi nahin aur makan bahut se hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
