halqa-e-zulf-e-siyah-fam ilahi tauba

halqa-e-zulf-e-siyah-fām ilāhī tauba

ishq kī koshish-e-nākām ilāhī tauba

coca-cola se bahak jaa.eñ jo vo rind haiñ ham

whiskey-o-Tharrā kā ik jaam ilāhī tauba

har qadam par use kāñTe hī bichhāte dekhā

kahne ko hai but-e-gulfām ilāhī tauba

pahle ham biima karā leñ to mohabbat bhī kareñ

maut aatī hai bahar-gām ilāhī tauba

sāqiyā ham to nigāhoñ se hī pī jaate haiñ

rind-e-pāband-e-mai-o-jām ilāhī tauba

pahle to qadr huā kartī thī husn-e-dil kī

mo'atabar ab hai magar jaam ilāhī tauba

un ke kirdār se shaitān bhī sharmātā hai

muñh meñ jin ke hai hare raam ilāhī tauba

halqa-e-zulf-e-siyah-fam ilahi tauba

ishq ki koshish-e-nakaam ilahi tauba

coca-cola se bahak jaen jo wo rind hain hum

whiskey-o-Tharra ka ek jam ilahi tauba

har qadam par use kanTe hi bichhate dekha

kahne ko hai but-e-gulfam ilahi tauba

pahle hum bima kara len to mohabbat bhi karen

maut aati hai bahar-gam ilahi tauba

saqiya hum to nigahon se hi pi jate hain

rind-e-paband-e-mai-o-jam ilahi tauba

pahle to qadr hua karti thi husn-e-dil ki

mo'atabar ab hai magar jam ilahi tauba

un ke kirdar se shaitan bhi sharmata hai

munh mein jin ke hai hare ram ilahi tauba