halqa halqa lag raha hai phul ab zanjir ka

halqa halqa lag rahā hai phuul ab zanjīr kā

mahv-e-lutf-e-ḳhvāb āñkheñ kyā kareñ tā'bīr kā

phir nayā maqtal abhī pusht-e-faras chhoḌī nahīñ

aur na ḳhuuñ hī suukh paayā hai mirī shamshīr kā

jaan se jaanā paḌegā jānñe rāz-e-hayāt

ḳhvāb meñ nusḳha milegā niiñd kī tasḳhīr kā

vādī-e-aiman meñ ham āñkhoñ ko hāthoñ meñ liye

shauq se sadqa utāreñge tirī tasvīr kā

maañ hī zāmin hai 'safar' ab tak mirī tā'mīr kī

baap ab tak bojh Dhotā hai mirī taqdīr kā

halqa halqa lag raha hai phul ab zanjir ka

mahw-e-lutf-e-KHwab aankhen kya karen ta'bir ka

phir naya maqtal abhi pusht-e-faras chhoDi nahin

aur na KHun hi sukh paya hai meri shamshir ka

jaan se jaana paDega jaanne raaz-e-hayat

KHwab mein nusKHa milega nind ki tasKHir ka

wadi-e-aiman mein hum aankhon ko hathon mein liye

shauq se sadqa utarenge teri taswir ka

man hi zamin hai 'safar' ab tak meri ta'mir ki

bap ab tak bojh Dhota hai meri taqdir ka