hum aaine mein jawani talash karte rahe

ham aa.ine meñ javānī talāsh karte rahe

mohabbatoñ kī kahānī talāsh karte rahe

hamāre dil pe ajab iztirāb taarī rahā

nazar nazar meñ kahānī talāsh karte rahe

shu.ūr maazī ke karb-o-balā meñ uljhā rahā

sharāb ham bhī purānī talāsh karte rahe

hamāre azm kī buniyād kitnī gahrī thī

vo ik ghaḌī thī suhānī talāsh karte rahe

nasīhatoñ kā asar ham pe ḳhaak bhī na huā

kisī kī baat na maanī talāsh karte rahe

tire firāq meñ ronā bahut zarūrī thā

ham apnī aañkh meñ paanī talāsh karte rahe

tumhāre qurb ke mausam kidhar ga.e 'tāriq'

kidhar ga.ī vo javānī talāsh karte rahe

hum aaine mein jawani talash karte rahe

mohabbaton ki kahani talash karte rahe

hamare dil pe ajab iztirab tari raha

nazar nazar mein kahani talash karte rahe

shuur mazi ke karb-o-bala mein uljha raha

sharab hum bhi purani talash karte rahe

hamare azm ki buniyaad kitni gahri thi

wo ek ghaDi thi suhani talash karte rahe

nasihaton ka asar hum pe KHak bhi na hua

kisi ki baat na mani talash karte rahe

tere firaq mein rona bahut zaruri tha

hum apni aankh mein pani talash karte rahe

tumhaare qurb ke mausam kidhar gae 'tariq'

kidhar gai wo jawani talash karte rahe