hum aaj apne tasawwur mein bar bar aae

ham aaj apne tasavvur meñ baar baar aa.e

guzishta umr ka.ī martaba guzār aa.e

bahār-e-lāla-o-gul itnī muḳhtasar kyoñ ho

ki e'tibār kī had tak na e'tibār aa.e

guloñ kā jā.eza le kar shumār kartā huuñ

mire nasīb meñ zaḳhmoñ ke kitne haar aa.e

talab-shanās sitāroñ kī anjuman meñ ga.e

nazar se vādī-e-mahtāb meñ pukār aa.e

har ek dil ko kiyā rū-shanās ai 'nāzish'

har ā.īne meñ vahī aks ham utaar aa.e

hum aaj apne tasawwur mein bar bar aae

guzishta umr kai martaba guzar aae

bahaar-e-lala-o-gul itni muKHtasar kyon ho

ki e'tibar ki had tak na e'tibar aae

gulon ka jaeza le kar shumar karta hun

mere nasib mein zaKHmon ke kitne haar aae

talab-shanas sitaron ki anjuman mein gae

nazar se wadi-e-mahtab mein pukar aae

har ek dil ko kiya ru-shanas ai 'nazish'

har aaine mein wahi aks hum utar aae