hum aaKHiri hain hamare jaise so ab hamara KHala banega

ham āḳhirī haiñ hamāre jaise so ab hamārā ḳhalā banegā

na maiñ hī bār-e-digar huuñ mumkin na tujh sā hī dūsrā banegā

ye tañg zehnoñ se baat kar ke rukāvaTeñ hī na duur kar leñ

ka.ī mizājoñ kī ḳhair hogī agar ye rasta khulā banegā

qasam tirī be-niyāziyoñ kī maiñ sab ye pahle hī jāntā thā

mujhe kisī ne kahā huā thā ye tere hāthoñ ḳhudā banegā

nahīñ mohabbat vo kār-e-imkāñ duā pe rakkheñ ḳhudā pe chhoḌeñ

tum is ko farzī se mat banāo mo.āmla mas.ala banegā

tire hunar kī ho ḳhair aazar hameñ jo toḌo to dhyān rakhiyo

hamārī miTTī to bhur-bhurī hai hamārī miTTī se kyā banegā

hum aaKHiri hain hamare jaise so ab hamara KHala banega

na main hi bar-e-digar hun mumkin na tujh sa hi dusra banega

ye tang zehnon se baat kar ke rukawaTen hi na dur kar len

kai mizajon ki KHair hogi agar ye rasta khula banega

qasam teri be-niyaziyon ki main sab ye pahle hi jaanta tha

mujhe kisi ne kaha hua tha ye tere hathon KHuda banega

nahin mohabbat wo kar-e-imkan dua pe rakkhen KHuda pe chhoDen

tum is ko farzi se mat banao moamla masala banega

tere hunar ki ho KHair aazar hamein jo toDo to dhyan rakhiyo

hamari miTTi to bhur-bhuri hai hamari miTTi se kya banega