hum aasman ki surat the par zamin rahe

ham āsmān kī sūrat the par zamīn rahe

tumhāre paañv pe rakkhī huī jabīn rahe

duā rahegī ham aise ḳhizāñ-rasīdoñ kī

ḳhudā kare ki tū sarsabz aur hasīn rahe

hamāre dil se nikalte huoñ ko saat salām

vo is liye ki vo is habs meñ makīn rahe

hamāre ḳhvāb jo dekhe the ham ne tere liye

vo ḳhvāb ḳhvāb nahīñ the hamārā diin rahe

maiñ apne sar kī qasam de ke us se kahtā thā

ki maiñ rahūñ na rahūñ par mirā yaqīn rahe

hum aasman ki surat the par zamin rahe

tumhaare panw pe rakkhi hui jabin rahe

dua rahegi hum aise KHizan-rasidon ki

KHuda kare ki tu sarsabz aur hasin rahe

hamare dil se nikalte huon ko sat salam

wo is liye ki wo is habs mein makin rahe

hamare KHwab jo dekhe the hum ne tere liye

wo KHwab KHwab nahin the hamara din rahe

main apne sar ki qasam de ke us se kahta tha

ki main rahun na rahun par mera yaqin rahe