hum abhi pakke adakar nahin hain bhai

ham abhī pakke adākār nahīñ haiñ bhaa.ī

is liye lā.eq-e-dastār nahīñ haiñ bhaa.ī

ye jo har roz kā ronā hai hamārā ronā

ham mohabbat meñ samajhdār nahīñ haiñ bhaa.ī

is liye ghar meñ koī rakkhā na thā darvāza

maiñ samajhtā thā ki dīvār nahīñ haiñ bhaa.ī

mujh meñ jaarī hai musalsal ye jo dariyā-e-shakeb

june ke roze bhī dushvār nahīñ haiñ bhaa.ī

ḳhūn-ḳhvārī bhī bharose se janam letī hai

shukr kartā huuñ ki ġham-ḳhvār nahīñ haiñ bhaa.ī

tum yahāñ aane kā ik baar irāda to karo

mas.ale itne bhī dushvār nahīñ haiñ bhaa.ī

beach meñ aa.e haiñ jis din se parā.e rishte

baat bhī karne ko tayyār nahīñ haiñ bhaa.ī

hum abhi pakke adakar nahin hain bhai

is liye laeq-e-dastar nahin hain bhai

ye jo har roz ka rona hai hamara rona

hum mohabbat mein samajhdar nahin hain bhai

is liye ghar mein koi rakkha na tha darwaza

main samajhta tha ki diwar nahin hain bhai

mujh mein jari hai musalsal ye jo dariya-e-shakeb

june ke roze bhi dushwar nahin hain bhai

KHun-KHwari bhi bharose se janam leti hai

shukr karta hun ki gham-KHwar nahin hain bhai

tum yahan aane ka ek bar irada to karo

masale itne bhi dushwar nahin hain bhai

beach mein aae hain jis din se parae rishte

baat bhi karne ko tayyar nahin hain bhai