hum ahl-e-azm agar dil se justuju karte
ham ahl-e-azm agar dil se justujū karte
to aur manzil-e-jānāñ ko surḳh-rū karte
na dastaras meñ bahāreñ na dil hī qaabū meñ
ġharīb-e-shahr kahāñ tak jigar lahū karte
kise ḳhabar hai ki dil ke kañval khileñ na khileñ
kaTī hai umr bahāroñ kī aarzū karte
na aa sake the ye hālāt kā taqāzā thā
jo aa ga.e the to phir khul ke guftugū karte
ye faisla to kiyā dil ne baar baar magar
ik aarzū hī rahī tark-e-ārzū karte
sukūn-e-sīna-e-tūfāñ 'mujīb' kyā shai hai
ye jāniye to na sāhil kī aarzū karte
hum ahl-e-azm agar dil se justuju karte
to aur manzil-e-jaanan ko surKH-ru karte
na dastaras mein bahaaren na dil hi qabu mein
gharib-e-shahr kahan tak jigar lahu karte
kise KHabar hai ki dil ke kanwal khilen na khilen
kaTi hai umr bahaaron ki aarzu karte
na aa sake the ye haalat ka taqaza tha
jo aa gae the to phir khul ke guftugu karte
ye faisla to kiya dil ne bar bar magar
ek aarzu hi rahi tark-e-arzu karte
sukun-e-sina-e-tufan 'mujib' kya shai hai
ye jaaniye to na sahil ki aarzu karte
- Book : auraq salnama magazines (Pg. 512)
- Author : Wazir Agha,Arif Abdul Mateen
- Publication : Daftar Mahnama Auraq Lahore (1967)
- Edition : 1967
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
