hum ajab silsila-e-sair-o-safar rakhte hain

ham ajab silsila-e-sair-o-safar rakhte haiñ

har qadam ek na.ī rāhguzar rakhte haiñ

zad pe tūfān ke kāġhaz kā nagar rakhte haiñ

laakh sailāb-e-havādis ho magar rakhte haiñ

is ke bā-vasf ki har samt añdherā hai muhīt

ham haiñ vo log jo ummīd-e-sahar rakhte haiñ

terī bāteñ tirī yādeñ tire rañgīn ḳhutūt

apne hamrāh yahī zād-e-safar rakhte haiñ

ham ḳhatāvār-e-zamāna haiñ farishte to nahīñ

haiñ ziyāñ-kār ki ausāf-e-bashar rakhte haiñ

dil ke juzdān meñ ik naam sajā hai 'nāsir'

ham kisī haal meñ hoñ us kī ḳhabar rakhte haiñ

hum ajab silsila-e-sair-o-safar rakhte hain

har qadam ek nai rahguzar rakhte hain

zad pe tufan ke kaghaz ka nagar rakhte hain

lakh sailab-e-hawadis ho magar rakhte hain

is ke ba-wasf ki har samt andhera hai muhit

hum hain wo log jo ummid-e-sahar rakhte hain

teri baaten teri yaaden tere rangin KHutut

apne hamrah yahi zad-e-safar rakhte hain

hum KHatawar-e-zamana hain farishte to nahin

hain ziyan-kar ki ausaf-e-bashar rakhte hain

dil ke juzdan mein ek nam saja hai 'nasir'

hum kisi haal mein hon us ki KHabar rakhte hain