hum ajal ke aane par bhi tera intizar karte

ham ajal ke aane par bhī tirā intizār karte

koī va.ada sach jo hotā to kuchh e.atibār karte

jo na sabr aur dam-bhar tire be-qarār karte

abhī barq kā tarīqa falak iḳhtiyār karte

agar itnī baat sunte ki hai ishq meñ musībat

kabhī ham na terī ḳhātir dil-e-be-qarār karte

dil-e-zār be-ḳhabar thā kiyā qatl to mazā kyā

ye sipah-garī hai pahle ise hoshiyār karte

yahī chāhte haiñ ai jaañ miTe ġham ki jaan jaa.e

abhī maut agar na aatī tirā intizār karte

ġham-o-dard-o-ranj sah ke tujhe dete ham dil apnā

inhīñ bevafā.iyoñ par tirā e.atibār karte

jo safar kā vaqt aayā na pukāre saath vaale

abhī aañkh lag ga.ī thī hameñ hoshiyār karte

jo ḳhilāf umiid ke ho to shikasta-ḳhātirī hai

ka.ī TukḌe dil ke hote jo tum ek vaar karte

vo na aa.e mar ga.e ham agar aate bhī to kyā thā

yahī jaan sadqe karte yahī dil nisār karte

hameñ jaan de ke maarā hameñ de ke dil miTāyā

na ġham-e-firāq hotā na ḳhayāl-e-yār karte

vo adā thī qatl-gah meñ ki bayān se hai bāhar

mire dil pe zaḳhm paḌtā vo kisī pe vaar karte

tirī samt kī tavajjoh na kabhī jahān-e-fānī

jo zarā sabāt paate to kuchh e.atibār karte

ḳhabar us kī pahle hotī ki na aa.egā ye ham ko

to 'rashīd' sher kā fan na ham iḳhtiyār karte

hum ajal ke aane par bhi tera intizar karte

koi wada sach jo hota to kuchh eatibar karte

jo na sabr aur dam-bhar tere be-qarar karte

abhi barq ka tariqa falak iKHtiyar karte

agar itni baat sunte ki hai ishq mein musibat

kabhi hum na teri KHatir dil-e-be-qarar karte

dil-e-zar be-KHabar tha kiya qatl to maza kya

ye sipah-gari hai pahle ise hoshiyar karte

yahi chahte hain ai jaan miTe gham ki jaan jae

abhi maut agar na aati tera intizar karte

gham-o-dard-o-ranj sah ke tujhe dete hum dil apna

inhin bewafaiyon par tera eatibar karte

jo safar ka waqt aaya na pukare sath wale

abhi aankh lag gai thi hamein hoshiyar karte

jo KHilaf umid ke ho to shikasta-KHatiri hai

kai TukDe dil ke hote jo tum ek war karte

wo na aae mar gae hum agar aate bhi to kya tha

yahi jaan sadqe karte yahi dil nisar karte

hamein jaan de ke mara hamein de ke dil miTaya

na gham-e-firaq hota na KHayal-e-yar karte

wo ada thi qatl-gah mein ki bayan se hai bahar

mere dil pe zaKHm paDta wo kisi pe war karte

teri samt ki tawajjoh na kabhi jahan-e-fani

jo zara sabaat pate to kuchh eatibar karte

KHabar us ki pahle hoti ki na aaega ye hum ko

to 'rashid' sher ka fan na hum iKHtiyar karte