hum apne-ap se karte rahe bayan tanha

ham apne-āp se karte rahe bayāñ tanhā

tumhārī bazm meñ baiThe kahāñ kahāñ tanhā

taġhayyurāt ke aaseb meñ vajūd mirā

ujaaḌ ban meñ ho jaise koī makāñ tanhā

ye soz-o-sāz kā paikar ye haDDiyoñ kā nagar

jo aag paa.e to chaTḳhe uThe dhuāñ

kahīñ kisī kī siyāsat na rañg laa.ī ho

bhare chaman meñ hai kyuuñ aaj bāġhbāñ tanhā

ye bār-e-ishq jise āsmāñ uThā na sakā

uThā.e phirtā rahā huuñ maiñ nā-tavāñ tanhā

tumhāre aane kī aahaT to kab se suntā huuñ

chale bhī aao mire paas mehrbāñ tanhā

hamīñ harīf rahe aur hamīñ halīf hue

hamāre ba.ad huā mīr-e-kārvāñ tanhā

vahī to dushman-e-jāñ hai usī se kaise bacheñ

vo ek shaḳhs jo aayā thā kal yahāñ tanhā

yahī zamīn tamaddun kī rāzdār rahī

yahī zamīn ugaltī rahī dhuāñ tanhā

hum apne-ap se karte rahe bayan tanha

tumhaari bazm mein baiThe kahan kahan tanha

taghayyuraat ke aaseb mein wajud mera

ujaD ban mein ho jaise koi makan tanha

ye soz-o-saz ka paikar ye haDDiyon ka nagar

jo aag pae to chaTKHe uThe dhuan

kahin kisi ki siyasat na rang lai ho

bhare chaman mein hai kyun aaj baghban tanha

ye bar-e-ishq jise aasman uTha na saka

uThae phirta raha hun main na-tawan tanha

tumhaare aane ki aahaT to kab se sunta hun

chale bhi aao mere pas mehrban tanha

hamin harif rahe aur hamin halif hue

hamare baad hua mir-e-karwan tanha

wahi to dushman-e-jaan hai usi se kaise bachen

wo ek shaKHs jo aaya tha kal yahan tanha

yahi zamin tamaddun ki raazdar rahi

yahi zamin ugalti rahi dhuan tanha